三年监狱、一生兄弟

好耐冇见伟仔喇。呢排每日收工翻嚟都会睇一部邓导嘅片，讲嚟也都好有缘分，原来细个时睇嘅《陆小凤》系列同埋《火线追凶》系列都係出自佢嘅手。

关于监狱题材嘅其他港片，之前也都有睇过，最难忘嘅要数岭东叔嘅《监狱风云》系列。其实Billy叔嘅呢部戏里，我也都睇到相似嘅场景：

①安仔初入监狱时被南哥、狗哥佢哋送嘅见面礼——每人三拳

②冇人性嘅阿sir——冇人性（其实我个人好中意国斌叔架，能文能武）

③一群人喺日头嗰阵蹲在屋外

④集体罢食

⑤恋人探监

⑥番薯上嘅三只烟

⑦......

其实应该重有一啲，只係我不记得咗。

呢部戏加入咗安仔好多内心独白，似是以一个记者嘅身份去睇监房嘅世界。

①监房与出面係不同嘅世界，呢度有佢嘅规则，你要做出头鸟，想做英雄，那就要付出代价，畀屎喂、饮“奶茶”、受藤鞭。攞飞哥嘅话讲，就係“攞苦嚟辛”。

②係监房呢个世界待嘅时间耐喇，就能感受到：狱友係兄弟，阿sir係魔鬼。当然如果你冇似安仔咁嘅胆识同智慧，永远只能当细佬。

③讲真，也许大多数人都係“死不去”，有背景，重有几个月就可以出狱，唔想惹火上身，但嗰份人又放不低face。但掉翻转头细细谂，喺嗰个场面，又有几个唔惊喎。

④张耀祖同冇人性想要安仔衰，要佢折堕，好在佢生性，呢点不易。【破窗效应】终究唔係啱嗮所有人嘅。

上世纪60年代，位高权重嘅人只手遮天，可以令黑洗白，也都可以逼白变黑。而家，嗰种现象已经基本成为过去，但我依然好怀念嗰个纯粹年代，纯粹嘅残酷、纯粹嘅暴力、纯粹嘅兄弟，一切都好简单。

题外话：其实一直觉得，四大恶人，除咗何家驹叔外，大傻、丧彪同埋兆基叔都算不上，反而觉得阿Ben叔（吴毅将）嗰样更似啲。老老实实讲，阿ben嘅杀气真係劲到爆。另外记得片尾曲係兆基叔做嘅词，有才。